粵語文：做人點樣可以快樂d？(1)
其實小妹不嬲寫開有關語文教育既文章，但今日第一次寫廣東話casual文，想談吐一個歷史上已經有無數前人問過既問題－做人點樣可以快樂d？
可能因為由細到大，我都係屬於咩都諗一餐個堆人，越諗就覺得世界越黑暗，所以真係慣左成日要自己開解自己，如果唔洗就會好唔開心，我又心思思想寫文答佢～。雖然同英文冇直接關係，都寫文同大家探討下啦～～～～。
“Happy indeed I was, if pleasure be happiness” — The Happy Prince by Oscar Wilde
「如果享樂就是快樂，我當時的確十分快樂。」王爾德 《快樂王子》
寵愛（indulge）自己，固然可能會對快樂有幫助，但享樂不等於快樂，食好西不等於快樂。
變番個小朋友
我份工就教英文既，工作既其中一環就係教大人學生英文。（你知依家香港幾朵人想移民架啦）有個客做心理輔導既，份工成日要開解d客同梳理佢地既情緒。我記得最初開始同佢上堂既時候，我問佢，你好人好姐做咩走黎學英文呀？原來除左因為佢睇左我篇文章之外，佢話成日返工要開解其他人，做人地既guru／教練／人生導師好鬼辛苦，雖然佢年紀大過我，但佢話黎同我上堂覺得重拾番做學生、做小朋友既感覺。佢話如果冇呢種感覺心理會唔平衡XD。當時我有一種恍然大悟既感覺：其實又係喎，我自己每日對住d學生，某程度上都係做“師傅”既角色，其實自己都有心理需要學野，每日放工之後都好攰，因為做緊野個陣真係滿足唔到學野既心理需要。Marslow都話啦，人其實有self－actualisation既需要。所以有d人可能會覺得點解你咁辛苦都要放左工寫文，學日文，學呢學佬，其實好簡單，如果我冇一d做番小朋友，全神貫注咁投入一件事（例如學野同玩）既時間，我會好唔開心。所以，其實有時未必悠閒會開心過忙，如果忙得利係利用d時間重拾番童真，其實會開心左。
仲有好多變番小朋友既方法，打機，做運動，睇書，扮kai子，總之有一段時間要完全同現實世界抽離，今年興起digital detox，其實我相信背後rationale（道理／宗旨）就係要將我地同現實既煩惱insulate～：D
沈浸係興趣裡面，不斷學習
前提係你要有興趣。需要建立起對一樣野濃厚既興趣，興趣係咩都得：整皮革用品 、寫文、睇電影、影相。最好能夠培養興趣到一個地步做到達人級數，因為如果能夠將興趣變成事業（好似我咁），滿足感真系好大架～。而且會令你做緊自己有興趣既野既時候，唔會有一種純粹放縱既糜爛感覺，而係為自己人生增緊值既充實感覺。
有d人會話，我冇咩興趣，亦冇咩叻，咁點算呢？其實興趣呢家野，真系貧者越貧，富者越富，本身對一樣野唔擅長既人好難會開始對個樣野鼓起興趣，但隨著你識既野越多，繼續學上去個陣你就會學得越來越快。所謂「聞道有先後，術業有專攻。」如果你咩興趣都冇，問朋友家人又好自己觀察又好，要搵一樣自己至少唔厭惡既事情，不斷upgrade自己既知識水平，盡量要學得越多越好，令到自己變成一個enthusiast（極度熱衷某事的人）。咁你就會覺得自己既人生比較有purpose喇：D 我強調要不斷。唔知大家有冇聽過The 10000 Hour Rule，有d專家話，一個人至少要投入10000小時練習，先能夠成為一方面既專家。當你成為左達人／職人之後，開始會有好多friend向你求教，你會開始覺得自己個人比較有價值，而唔係渾渾噩噩（記得細個成日比d人叫我幫佢地作文，雖然口裏說不，其實心裡面都好開心有多d機會練習，同埋自己都算有一技之長～）
感恩/欣賞身邊既野/欣賞自己
感恩呢種心態真係要自己明白好處而做先有用，如果有人同你講「做人要感恩d」，我相信你會想打佢，right？
感恩呢個字比人用爛左姐，其實未必係一樣好盲目既事。感恩既subject matter未必係人地對你好，更多時候其實係講你要欣賞發生係你周遭既事，呢個世界點樣變得更美好。例如我前兩日係落街落街買野食，點知比我見到樓下有間滄海遺珠既地產鋪，d買盤租盤廣告上面d字跡寫得相當工整，住係呢個零美感既社區，發現有咁既滄海為珠，地產佬都可以係書法家，真係為之一振～，超驚喜。但如果你唔留番d時間自己留意周圍，你又點會見到呢d野呢？
感恩係自我譴責既靈丹妙藥，例如，有時我成日覺得自己盤生意進展得唔夠快、出片出得慢、講野又唔夠簡潔，對自己好鬼多不滿，覺得好大壓力要改進，當我發現我比自己既壓力令自己不能承受時，我就會有意無意remind番自己：丫，其實唔係丫，上年呢個時候我年課室都未有，只有網頁，今年已經租左課室，仲開左自己youtube channel添，起碼唔洗再做一隻冇殼freelancer蝸牛～。其實真系值得比個叻自己，仲要多得好彩搵到個地方d租自己都勉強算負擔得起，其實真系要謝天謝地。但你想番呢d，你就唔會沈醉係個抱怨既mode囉～。
據聞以前DJ森美換上憂鬱症，醫生叫佢寫低佢覺得要感恩既野，森美寫唔到，醫生就要佢作都要作出黎。聽落好似好低B，但其實有時人就係咁低B，唔寫低真係唔記得，唔逼自己欣賞，自己真系唔會欣賞。唔好覺得好運係理所當然，而厄運就係個天玩你至得架～。
唔想呢篇文太長，寫住咁多先，下次講講點面對黑人憎既人，同平衡享樂（寵愛自己）同解決問題兩個邁向快樂既方法～ ❤ ❤
如果想睇我更多文章（主要係關於學英文既文章），可以訂閱我既通訊（newsletter）：