畀杜汶澤先生/ 黃色Youtube圈嘅簡單建議

尋日如常咁喺YouTube上面睇吓睇吓，就撞見杜汶澤先生嘅喱騷出咗一個新嘅節目。

節目裡面，杜汶澤訪問王喜，問王喜，究竟皇家香港警察同埋而家嘅香港警察有咩唔同。

杜先生經營YouTube Channel有好一段時間，經營網絡媒體都有好一段時間。我相信佢好明白SEO對影片被發現嘅重要性，但係竟然畀我驚訝地發現到，佢哋個video喺Youtube上面竟然係冇落tag。

杜汶澤先生嘅團隊有好多員工，我當然希望佢個網台搞得成功，收視節節上升，可以搵返多啲廣告費添。

原來喱騷logo係用TVB顏色，好彩收視keep住勁過TVB

同王喜嘅訪問之中，王喜有提到除咗有提到皇家香港警察同依家嘅香港警察之間分別之外，佢仲有講到做警察要點樣先可以紮職，唯一嘅升職方法係咪就係擦鞋，等等。

其實莫講話我哋呢啲平民啦，畀着我係香港警察，我都想聽番呢啲貼士喎。

點解杜汶澤先生唔係Title度講明video裏面有警察紮職貼士，或者係tag度加返警訊，當差點升職等tag呢？

唔通係怕俾人charge冒警？

大佬呀，就算連警訊都有落tag喎，雖然啲tag都好廢。

黃色Youtube圈，唔應該畫地為牢，淨係攞到黃色陣營嘅views，藍絲嘅views，甚至黑警嘅views，都應該要食埋架嘛。

有人話，喂，杜汶澤個人咁黃，就算落tag，警察會唔會睇呢？

我唔認同，因為我覺得只要個bait夠好味，個資訊夠正夠juicy，就算黑警都會睇條片。

所以，我覺得杜先生應該要幫佢啲video落番tag，特別係呢條講警察career path嘅片。