撤控義士

我覺得聽日最重要係「撤控義士」呢個訴求。

「不撤不散」，不論林鄭係講暫延扮徹而遲啲會再推又好，定係只係為左個下台階，都冇所謂。如果送終回魂，大家自然會再走出黎抗爭。如果真係再推修訂，都可以證明比啲信錯林鄭或覺得「做咩成日懷疑政府姐」嘅人睇，政府係講大話嘅。如果你覺得送中會捲土重來，覺得已經徹左啲人依家都唔會信你，反而到時候如果送中死灰復燃仲可以係證據，證明政府幾狡猾。

至於「林鄭下台」，佢下台之後自然會有中共處理，一日冇普選，邊個做特首都冇分別，反而林鄭PR咁差，激起民憤，對於社運係好事。林鄭啲咁剛愎自用嘅人你叫佢下台除左報仇係冇用，佢根本就覺得自己係唔會錯嘅。（由細到大考第一complex）中共會整死佢，唔差我地一腳。

反而係義士，遲啲好多人都會唔記得左佢地，幫群眾衝，受傷不特止，被起訴，又可能會比警察逼佢地講啲detrimental嘅嘢，就算申請到法緩，打官司都會好辛苦，為佢地帶來極大心理壓力，喺申請到之前都唔知有冇律師會幫佢地。市民唔幫佢地亦都會增加左將來抗爭者嘅抗爭成本。

Leave no man behind. 拯救義士最緊要。

各位六月十六日要再次行出來，話比政府聽，香港係有良知的，遲啲出黎都唔緊要，你一定有你嘅位置。