Member-only story
GaryVee點解啟發左我咁多
呢篇文章，好希望你睇到最尾，因為我會公布有關我嘅免費內容行銷網上分享會詳情，如果你係對創業、內容行銷、influencer economy、拍片宣傳、personal brand building等範疇有興趣嘅朋友，唔好錯過。經濟唔好，多一技傍身好重要。
如果你對創業呢個話題稍為有興趣，你應該會聽過Gary Vaynerchuck呢個人，佢係美國傳奇商人，自小就隨着家人有白俄羅斯（Belarus）移居到美國新澤西，YouTube啱啱開始營運嘅時候，佢就已經喺社交媒體上面開始自己嘅節目，每一日同觀眾分享有關酒嘅知識，佢爹哋係賣酒嘅，佢就用佢嘅知識同魅力，源源不絕咁向觀眾送上高質內容，幫Daddy賣酒，仲將佢屋企間公司同品牌宣傳到街知巷聞添。
網絡上可以見到，其實啲人對佢嘅觀感都幾兩極化，有啲人好唔鍾意佢，因為佢成日喺人哋講嘢嘅時候打斷其他人，成日都覺得自己係未聽完人哋講嘅嘢之前，已經知道人哋會講乜。
呢篇文想講下GaryVee啟發到我咩。
佢係矛盾嘅化身
有人會覺得矛盾係一個負面嘅詞語。但係我成日都覺得越矛盾嘅人，就越叻。GaryVee成日叫啲人要有同理心，理解其他人點解會有呢啲感受，但係同時又叫其他人唔好理他人嘅目光，要做自己鍾意做嘅嘢，不惜一切，就算爹哋媽咪反對自己創業、媽爹哋媽咪反對自己做音樂、爹哋媽咪反對自己跳舞，你唔好理，不惜一切咁堅持要做自己鍾意嘅嘢。因為你要做自己好鍾意嘅嘢，你先會好勤力，你要好勤力，先會成功。（即係要有能力care其他人同時有能力ignore其他人。。。聽落好貴矛盾）
佢成日叫人哋要樂觀、有耐性，佢喺發跡之前，嗰10年，一直努力製作內容，喺Twitter上面見到人哋講啲關於走嘅嘢，就亂入同人地R吹，但係最初嗰幾年根本冇人理佢，剩係得佢喺度撩人講嘢，人哋根本唔理佢；但係同時佢勸其他人要現實、要實際，唔好再有幻想，覺得我哋可以返返轉頭，人嘅注意力亦都轉移左喺社交媒體上面，the money goes where the attention is. 所以創業家唔可以呃自己，要由今日開始做內容行銷，每一日學少少、每日學少少非常之勤力，要知道內容行銷已經係今日嘅王道，要承認自己唔識，唔識就要學，而唔係唔識就唔做。
我敬重佢嘅地方，係佢話就話自己係一個生意人，做生意嘅人，鍾意建立品牌、鍾意宣傳、鍾意收人哋嘢、鍾意賺錢（但其實正確啲講，GaryVee鍾意賺錢嘅過程，唔係鍾意錢，佢變態到喺interview講過，成日幻想自己突然有一日輸晒啲錢跟著要賺番），但係睇得出，佢係一個非常之鍾意做內容、非常之鍾意比到價值（value）其他人嘅人。