日頭起身第一件事做咩好？

你日頭起身第一件事係做咩？會唔會係訓喺床度碌Facebook同IG？

我以前都會咁，除左因為習慣之外，仲係因為我有個錯覺，就係見到其他人成功、見到其他人叻、見到其他人生活得好好，我自己會更加有動力去生活得更加好，例如話，見到人哋喺地中海旅行，我就會覺得我都要努力啲做嘢，賺到錢就可以去旅行喇。

但係後來我發現其實咁樣做唔會令到我更加有動力（motivation），當我越睇得多呢啲IG嘅post，我只係會想灘係床度咩都唔做，加上其實好多ig post都只係影住隻好得意嘅貓，根本唔會比到我啲咩動力。

但係問題黎啦，張床咁舒服，碌IG個動作又咁治癒，為我提供源源不絕嘅多巴胺（dopamine），究竟點樣可以唔好俾自己訓係張床咩都唔做就比挨住吸晒啲時間呢？

有啲人會同你講，日頭起身，千祈唔好瞓多少少，要即刻出去做運動，或者早一個鐘頭起身寫文，但係其實咁樣嘅建議對於普通人來講未必好現實，因為普通人起身嗰陣時間個腦可能冇咩clarity同sense of purpose，根本未必知道自己要做咩，亦都未必想做運動，做開嘅運動嘅人就做運動姐，其實冇做開運動嘅人真係會覺得做運動好難。（再更加莫講好多香港人住嘅地方樓下都充滿二噁英，屋企又劏房咁細，邊有心情同條件做運動啊。）再所以日頭起身第一究竟做乜嘢，其實我覺得冇一個one-size-fit-all solution.，更加冇可能純參考外國Youtuber啲離地到爆嘅morning routine。

日頭起身唔想郁呢個問題一直困擾咗我好耐。

有一日我喺度聽Jade Darmawangsa呢個女仔嘅podcast嘅時候，我聽到佢提出咗幾inspire到我嘅觀點，佢話：其實人起身個段時間係非常vulnerable，所以千祈唔好碌ig Facebook，原因好簡單（以下原因唔係Jade講嘅，係我自己補充，但相信作為social media…