Member-only story
呢個世界上有種人，叫假禮貌。
喺呢個社會，我哋成日都俾人教育，人哋幫我哋做嘢之後，我哋要講唔該，同人打招呼嘅時候，要講Hello呀邊個，要叫人哋個名，講唔該嘅時候又要再叫人哋個名，我哋俾人教育，咁樣做，就係禮貌。
但係真正嘅禮貌，並唔係「地盤工人嘅溝通技巧」，唔係用A句子取代B句子，呢個就叫有禮貌，真正嘅有禮貌應該係*發乎情*㗎，當你講唔該嘅時候，你心裏面真係要覺得係唔該，幫你叫人哋個名嘅時候，你應該真係想承認人哋嘅存在，而唔係做個樣出黎，一種虛有其表嘅姿勢。如果次次將個唔該呢個字當set phrase/stock phrase咁用出黎。
Politeness means nothing when you do not feel grateful towards another person.
點樣睇得出啲人係假禮貌？次次唔該親人都係用嗰啲語句，thank you for your endeavours; thank you for your effort; thank you very much, XXX. 呢啲人根本講唔出人哋對自己對自己嘅幫助嘅重要性，亦感受唔到人哋做嘢嘅辛苦，佢地 try to sound polite, 但比人感受唔到。
真正嘅有禮貌，應該係為人着想、為人設想嘅。It takes emotional intelligence to actually be polite, to actually appreciative, not just sound like it.
感受到其他人嘅痛苦，同理心之始也。
我依啲職業就係分享嘅人士，成日都會遇到一啲冇禮貌嘅人，問我野，佢哋根本冇諗過雖然你嘅職業係分享，但係我冇義務分享所有嘢、我生活嘅所有、我後台嘅所有數據。有啲觀眾只係諗住着數攞盡、知識攞盡、從來冇諗過人哋係咪真係想分享。
例如當你問人哋住邊區，人哋係咪真係想答你呢？
例如當你問人哋有冇男朋友，人哋係咪真係想答你呢？
例如當你問人地一個月搵幾多錢，人地係咪真係想答你呢？